X
बुटवल,पुष २ गते – बुद्ध जन्मस्थल लुम्बिनीमा आगलागी हुँदा एक दर्जन उपहार पसल जलेर नष्ट भएका छन् । गएराति साढे एक बजेतिर लागेको आगलागीबाट पर्यटक लक्षित १२ वटा उपहार पसल जलेर नष्ट भएको लुम्बिनी शोभिनियर सपका सञ्चालक पिन्टु बानियाले बताए । त्यहाँ रहेका माला, मूर्ति, ढाका, हस्तकला लगायतका पसलमा भएको आगलागीबाट ७० लाख रुपैयाँ बराबर क्षति भएको अनुमान गरिएको बानियाले बताए । कवाड बटुल्ने व्यक्तिले जाडोमा आगो ताप्न बालेको आगोबाट पसलहरुमा आगलागी भएको उनले बताए । बोलाएको एक घण्टापछि मात्र दमकल आउँदा ठूलो क्षति भएको उनले बताए । त्यहाँ एक सय बढी उपहार पसल छन् । दमकल, प्रहरी र स्थानीयले आगलागी नियन्त्रणमा लिए
सिरहा,पुष १ गते – बिहीबार सुनको मूल्य तोलामा ७ सय रुपैयाँले वृद्धि भएको छ । नेपाल सुन चाँदी व्यवसायी महासंघका अनुसार छापावाल सुनको बिहीबारको कारोबार मूल्य ९३ हजार रुपैयाँ तोकिएको छ ।बुधबार छापावाल सुनको प्रति तोला मूल्य ९२ हजार ३ सय रुपैयाँमा कारोबार भएको थियो । तेजावी सुनको बिहीबारको खरिद बिक्री मूल्य ९२ हजार ५ सय रुपैयाँ कायम भएको महासंघले जनाएको छ
सिरहा,पुष १ गते – धनुषाको क्षीरेश्वरनाथ नगरपालिका ५, महेन्द्रनगरमा आगो लागेपछि एक किरानी पसल जलेर खरानी बनेको छ । पसल जलेपछि लाखौंको क्षति भएको हो ।प्रहरीका अनुसार सन्दिप चौधरीले सञ्चालन गरेको सप्तरङ्ग किराना पसलमा बुधबार राति आगलगी भएको हो । आगलागीबाट पसलको सम्पूर्ण समान जलेर नष्ट भएपछि करिब १४ लाख बराबरको क्षति भएको इलाका प्रहरी कार्यालय महेन्द्रनगरका प्रहरी निरीक्षक बेचन यादवले बताए । आगलगीका कारण खुल्न सकेका छैन । तर विद्युत सर्ट भएर आगो लागेको हुनसक्ने प्रहरीको अनुमान छ । आगलगाी विषयमा थप अनुसन्धान गरिरहेको इलाका प्रहरी कार्यालय महेन्द्रनगरले जनाएको छ
काठमाडौं,पुष १ गते – त्रिभुवन अन्तर्राष्ट्रिय विमानस्थलको आगमन एरियाबाट करिब ८ सय ११ ग्राम सुन जस्तो देखिने पहेंलो अर्धठोस पदार्थ सहित २ जनालाई बुधबार बिहान प्रहरीले पक्राउ गरेको छ ।पक्राउ पर्नेहरुमा भारतीय नागरिक ३५ वर्षीय इर्साद अहमद र ३२ वर्षीय मोहमद सइद इब्राहिम शेख रहेका छन् । दुबईबाट काठमाडौं आएका उनीहरुलाई विमानस्थलमा खटिएको प्रहरीले जाँच गर्ने क्रममा इर्सादले प्लाष्टिकले बेरी ल्याएको करिब ४ सय ४२ ग्राम र महोमदले मलद्वारभित्र लुकाई ल्याएको करिब ३ सय ७९ ग्राम सुन जस्तो देखिने पहेलो अर्धठोस पदार्थ सहित फेला पारी दुवै जनालाई पक्राउ गरेको हो ।उक्त पदार्थ सहित दुवै जनालाई आवश्यक कारबाहीको ल
रौतहट,पुष १ गते – परोहा नगरपालिका– ८ नरकटियाबाट ६९ हजार ५ सय नक्कली नेपाली रुपैयाँ सहित २ जनालाई बुधबार दिउँसो प्रहरीले पक्राउ गरेको छ ।पक्राउ पर्नेहरुमा भारत बिहार मोतिहारी घर भएका २६ वर्षीय बिकाश जयसवाल र सोही ठाउँ बस्ने ३२ वर्षीय अजय प्रसाद रहेका छन् । बीआर ०५ के ३६३६ नम्बरको मोटरसाइकललाई प्रहरी चौकी मोतिपुर नरकटियाबाट खटिएको प्रहरीले जाँच गर्ने क्रममा १ हजार दरको ६९ थान र ५ सय दरको १ थान गरी उक्त नक्कली रुपैयाँ सहित फेला पारी मोटरसाइकल चालक बिकाश र मोटरसाइकलमा सवार अजयलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ
सिन्धुलीमाढी,पुष १ गते – गाउँघरमा प्रयोग हुने घरेलु कृषि औजार उत्पादन गरी जीविकोपार्जन गर्दै आएका विश्वकर्माको पेसा सङ्कटमा परेको छ ।घरेलु प्रविधिबाट उत्पादन गरिने फलामका यस्ता कृषि औजारहरू सस्तो मूल्यमा बजारमा पाइन थालेपछि विश्वकर्माको पेसा सङ्कटमा परेको हो । कमलामाई नगरपालिका–४ निवासी रामबहादुर कामी घरेलु प्रविधि प्रयोग गरी फलामबाट बनाएका खुकुरी, कँचिया, हँसिया, खुँडा, बञ्चरो, कोदालोलगायतका औजारहरू बजारमा किन्न पाइनेभन्दा महँगो पर्ने हुनाले आफ्नो पेसा सङ्कटमा परेको बताउनुहुन्छ । आरन थापेर कृषि औजार बनाउँदा पाइने ज्यालाबाट जहान÷परिवार पाल्न समस्या भएको उहाँले बताउनुभयो । उहाँले भन्नुभयो, राम्
सिरहा,पुष १ गते – भारत सरकारले निर्माण गर्ने जयनगर–बर्दिवास रेलमार्गअन्तर्गत बिजुलपुरा– बर्दिवास खण्डमा जग्गाको मुआब्जा निर्धारण सकिएको छ ।भारत सरकारले धनुषा जिल्लाको कुर्थाबाट महोत्तरीको बिजुलपुर ासम्म रेलमार्ग निर्माण गरिरहँदा त्योभन्दा अगाडिको खण्डमा पनि निर्माणस्थल खाली गरिएको हो । पहिले बिजुलपुरादेखि बर्दिवास खण्डमा जग्गा प्राप्तिको समस्या रहेको रेल विभागका महानिर्देशक दीपककुमार भट्टराईले बताए । अहिले जग्गाको मूल्य निर्धारण भइसकेको थियो । बर्दिवास स्टेसनको जग्गा प्राप्ति गरिएको उनले बताए । उनले भने–‘जग्गाको मुआब्जा निर्धारण भएको छ, अब जग्गा छुट्ट्याउनुपर्छ ।’ विभागले जग्गा छुट्ट्याइरहँदा
सर्लाही, पुस १ गते– सर्लाहीको बेग्लाबेग्लै स्थानमा भएको आगलागीमा परेर एकै घरका दुई बालिकासहित तीन जनाको मृत्यु भएको छ।जिल्लाको कविलासी नगरपालिकामा आगलागीमा परी एकै परिवारका दिदी–बहिनीको मृत्यु भएको प्रहरीले जनाएको छ । बुधबार राती विद्युत् सर्ट भएर घरमा आगलागी हुँदा कविलासी नगरपालिका–७, सिर्सिया बस्ने जोगी महरा चमारकी छोरीहरु ८ वर्षीया लक्ष्मी कुमारी र ३ वर्षीया सोगन्धी कुमारीको मृत्यु भएको हो । आगलागीबाट जलेर गम्भीर घाईते भएका उनीहरुलाई जिल्ला अस्पताल मलङ्गवामा सामान्य उपचार गरी थप उपचारका लागि काठमाण्डौंतर्फ लैजाँदै गर्दा बिहीबार बिहान ३ बजेतिर बाटोमा नै मृत्यु भएको सर्लाहीका प्रहरी उपरीक्षक
सिरहा,मंसिर २९ गते – सुनचाँदी बजारमा आज छापावाल सुनको मूल्य प्रतितोला रु। ९२ हजार ३०० तोकिएको छ । अधिल्लो दिन प्रतितोला रु। ९२ हजार ८०० मा कारोबार भएको पहेँलो धातुको मूल्य प्रतितोला आज रु। ५००ले घटेको हो ।नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला रु। ९१ हजार ८०० छ जसको मूल्य मङ्गलबार प्रतितोला रु। ९२ हजार ३०० तोकिएको थियो । आज चाँदी अघिल्लो कारोबार मूल्यका तुलनामा स्थिर रहेको महासङ्घले जनाएको छ । चाँदी मङ्गलबार प्रतितोला रु एक हजार २१० मा कारोबार भएको थियो । अन्तर्राष्ट्रिय बजारमा आज सुन प्रतिऔँस एक हजार ७७० डलर आसपास कारोबार भइरहेको
विराटनगर,मंसिर २९ गते – मोरङको केराबारी गाउँपालिका–९ देवीझोडामा जंगली हात्तीले आतंक मच्चाएको छ। हात्तीको आक्रमणमा परेर तीन जना घाइते भएका छन्। हात्तीले आक्रमण गर्दा सुरेन राईकी श्रीमती अस्मिता र ५ महिनाका छोरा क्यालबिन राई घाइते भएको वडा सदस्य नरबहादुर मगरले जानकारी दिए। उनका अनुसार हात्तीले लछारेर घाइते बनाएका आमा–छोराको विराटनगरस्थित नोबेल शिक्षण अस्पतालमा उपचार भइरहेको छ। अस्पतालका अनुसार अस्मिताको देव्रे खुट्टा र करङ भाँचिएको छ। दुवै जना खतरामुक्त रहेको उपचारमा संलग्न चिकित्सकले बताएका छन्। मंगलबार राति ९ बजेतिर जंगलबाट आएको हात्तीले सुरेनको घरमा पनि क्षति पुर्याएको वडा सदस्य म
Copyright © 2021 / 2026 / purbanchalexpress.com / All Rights Reserved.
