अनुभक्त चौधरी
सिरहा,चैत्र २५ गते ।सिरहाको मिर्चैया नगरपालिका वडा नं.७ छ घरियाबाट वेवारिसे अवस्थामा रहेको पचास बोरा सरकारी अनुदानको युरिया मल फेला परेको छ ।
विशेष सुराकीको आधारमा लुकीछिपी अनुदानको मल बाहिर लान लागेको सूचना पाएपछि छापा मार्दा उक्त अनुदानको युरिया मल फेला परेको हो । हालसम्म मल मेरो हो भन्ने कसैले दावी नगरेको जनाइएको छ ।
फेला परेको मल आज मिर्चैया नगरपालिकाले पत्रकार सम्मेलन गरी सार्वजनिक गरी आवश्यक कानुनी प्रक्रिया पश्चात मल स्थानीय कृषकहरुलाई बाँड्ने मिर्चैया नगरपालिकाका कृषि तथा सहकारी प्रमुख धननज्य महतोले जानकारी दिनुभयो ।
रसायनिक अनुदानको युरिया मल हाहाकार भइरहेको बेला लुकाई छिपाई अन्यत्र लान खोज्दा फेला पर्नु नगरपालिकाको लागि उपलब्धीमुलक रहेको जनाइएको छ ।
कृषि सामग्री संस्थान एवम् स्थानीय डिलरको मिलोमतोमा कृषकहरुलाई सहुलियत दरमा दिनुपर्ने मल अन्यत्र लगी महंगो मूल्यमा बिक्री वितरण गर्ने उद्देश्यले अन्यत्र लैजान खोजेको स्थानीयले आरोप लगाएका छन् ।
कृषि सामग्री कम्पनीका प्रबन्धक दीपराज पौडेलले घटनाको छानविन भइरहेकोले अनियमितता ढंगले अनुदानको मल चोरी पैठारी गर्ने सहकारीलाई नगरपालिकाको सिफारिशमा कार्वाही गरिने जनाएको छ ।
६७ हजार हेक्टर खेती योग्य जग्गा रहेको सिरहामा खेतीपाती गर्नका लागि वार्षिक रुपमा तीन लाख बोरा डि.ए.पी., पाँच लाख बोरा युरिया र दश हजार बोरा पोटास चाहिन्छ । सरकारले सिरहाका लागि करिव ६० हजार बोराका दरले मात्र उपलब्ध गराइरहेको छ सो मल पनि खेतीपाती गर्नेको हातमा नगई अनियमित ढंगले बिक्री
